Jeńis Óserbaı QR aýyl sharýashylyǵy vıtse-mınıstri bolyp taǵaıyndaldy

NUR-SULTAN. QazAqparat - QR Úkimetiniń qaýlysymen Jeńis Álibekuly Óserbaı Qazaqstan Respýblıkasynyń aýyl sharýashylyǵy vıtse-mınıstri qyzmetine taǵaıyndaldy, dep habarlaıdy QazAqparat QR Premer-Mınıstriniń resmı saıtyna silteme jasap.

Jeńis Óserbaı 1981 jyly Almaty qalasynda dúnıege kelgen. Rysqulov atyndaǵy Qazaq ekonomıkalyq ýnıversıtetin, RF Máskeý memlekettik halyqaralyq qatynastar ınstıtýtyn, Aqmola tehnologııa jáne bıznes ýnıversıtetin bitirgen. Eńbek jolyn 2000 jyly jeke kompanııada ekonomıst retinde bastaǵan. 2001-2002 jyldary — jeke uıymnyń qarjy taldaýshysy. 2004-2006 jyldary — «Qazaqstannyń Damý Banki» AQ Jobalardy kredıtteý departamentiniń bas menedjeri. 2006-2019 jyldary jeke kompanııalarda basshylyq qyzmetter atqardy. 2020 jylǵy shildeden bastap qazirgi ýaqytqa deıin «K-Agro» JShS basqarma tóraǵasynyń keńesshisi boldy.