Jeńis merekesine arnalǵan avıamarafon bastaldy
Bul aqparatty atalǵan mınıstrliktiń baspasóz qyzmeti taratyp otyr.
Ótkiziletin sharanyń negizgi maqsaty - ardagerlerge qurmet kórsetý, sonymen qatar jastar arasynda ushqysh mamandyǵynyń mártebesin arttyrý.
«Avıamarafonǵa ortalyqtyń 6 shtattyq ekıpajy qatysady. Olar «Stıng» TL-2000 jeńil ushaǵymen Qazaqstannyń búkil aımaǵyn, atap aıtqanda Semeı, Taldyqorǵan, Almaty, Shymkent, Qyzylorda, Aqtóbe, Atyraý, Oral, Petropavl qalalaryn qamtyp, ushyp ótpek. Olardyń sońǵy núktesi mamyrdyń 4-inde Astana qalasy bolady. Atalǵan marshrýttyń jalpy uzyndyǵy 8500 shaqyrymdy quraıdy. Marafonnyń bastapqy jáne sońǵy núktesi retinde qaladan 19 shaqyrym qashyqtyqta ornalasqan «Jolaman» áýe kemeleri ortalyǵy tańdalǵan», delingen baspasóz baıanynda.
Vedomstvonyń atap ótýinshe, áýe eskadrılııasy qonǵan árbir aımaqta Uly Otan soǵysynyń ardagerlerimen jáne jastarmen kezdesý uıymdastyrylady.
