Jeńis merekesinde elordalyq ardagerlerge 800 myń teńge áleýmettik kómek kórsetiledi

ASTANA. QazAqparat – 9 mamyr - Jeńis kúnine oraı elordalyq Uly Otan soǵysynyń ardagerlerine 800 myń teńge áleýmettik kómek kórsetilmek. Bul týraly «Ashyq» NQA portalynda jarııalanǵan Astana qalasy maslıhatynyń sheshim qujatynda jazylǵan, dep habarlaıdy QazAqparat tilshisi.

«Astana qalasynda tirkelgen jáne turaqty turatyn árbir Uly Otan soǵysynyń ardagerine Uly Otan soǵysyndaǵy Jeńis kúnine qosymsha 800 000 teńge mólsherinde áleýmettik kómek kórsetilsin. Al Uly Otan soǵysynda qaza tapqan jaýyngerlerdiń ekinshi ret nekege turmaǵan jesirlerine qosymsha 30 000 teńge mólsherinde áleýmettik kómek kórsetilsin», - delingen qalalyq maslıhattyń sheshiminde.

Qujatty ashyq talqylaý 24 naýryzǵa deıin jalǵasady.

Eske sala keteıik, buǵan deıin 9 mamyr merekesine oraı mártebesi Uly Otan soǵysynyń ardegerlerimen teńestirilgen azamattarǵa beriletin tólem mólsheri artatynyn jazyp edik.