Jeńis kúnine oraı «Jaýjúrek polki Astana - álemdik marsh» sherýi ótedi

ASTANA. QazAqparat - 2017 jylǵy 9 mamyrda Astana qalasy ishki saıasat basqarmasynyń qoldaýymen Jeńis kúnine oraı  ekinshi dúnıejúzilik soǵys ardagerleri urpaqtarynyń qatysýymen «Jaýjúrek polki Astana - álemdik marsh» sherýi uıymdastyrylady.

Sharanyń basty maqsaty - 1941-1945 jj. soǵysqa qatysqan azamattardyń erligin esten shyǵarmaý jáne óskeleń urpaqty otansúıgishtikke, beıbit kúnniń qadirin túsinýge tárbıeleý, dep habarlaıdy astana.kz.

«Jaýjúrek polki» jalpyhalyqtyq azamattyq bastamasy 2012 jyly paıda boldy. Qozǵalystyń negizgi maqsaty - ekinshi dúnıejúzilik soǵysqa qatysqan ardagerlerdiń erligin esten shyǵarmaý. Al Astana qalasyndaǵy «Jaýjúrek polki» Keńesi 2014 jyly quryldy, onyń quramyna eriktiler, ardagerlerge qurmet kórsete bilgen elimizdiń belsendi azamattary kiredi.

2015 jyly Astanada Jeńistiń 70 jyldyǵyna arnalǵan sherýge 1500 adam, al 2016 jyly 7000-nan astam adam qatysqan bolatyn, olar ardagerlerdiń portretterin qoldaryna ustap, qala kóshelerimen júrip ótti.

Búginde «Jaýjúrek polki» - bul álemniń 60 memleketin biriktiretin halyqaralyq sherý. «Jaýjúrek polki Astana - álemdik marsh» sherýine qatysýshylardy jınaý 2017 jyly 9 mamyr kúni saǵat 12.30 bastalady. Sherý «Qazaq eli» monýmentinen bastalyp, «Otan qorǵaýshylar» memorıalynda (Táýelsizdik dańǵylynyń boıynda) aıaqtalady. Bıyl sherý 2,5 shaqyrymǵa uzartyldy.