Jeńis kúnine oraı aqmolalyq soǵys ardagerleri 1,5 mln teńgeden alady

KÓKShETAÝ. QazAqparat – Aqmola oblysynda soǵys ardagerleri, olarǵa teńestirilgen tulǵalar men tyl eńbekkerleri 9 mamyrǵa deıin birjolǵy áleýmettik kómek alady. Tólem 3471 adamǵa jalpy somasy 171 mln teńge tólenedi, dep habarlaıdy QazAqparat oblystyq jumyspen qamtýdy jáne áleýmettik baǵdarlamalardy úılestirý basqarmasyna silteme jasap.

Vedomstvonyń málimetinshe, 2023 jyldyń 1 sáýirindegi derek boıynsha óńirde segiz soǵys ardageri turady.

Birjolǵy áleýmettik kómek kórsetý oblystyq jáne jergilikti bıýdjet esebinen júrgiziledi.

«Bul ardagerlerdiń jeteýi 1,5 mln teńge kóleminde, jalpy 10,5 mln teńge somasynda birjolǵy áleýmettik kómek alady. Al bir ardager bolsa, Bulandy aýdanyndaǵy arnaı áleýmettik kómek kórsetý ortalyǵynda turyp jatyr. Sol sebepti tolyq memlekettiń qamqorlyǵynda bolǵandyqtan, oǵan áleýmettik tólem qarastyrylmaǵan», - dedi vedomstvodan.

Sonymen birge, jeńildikter boıynsha óńirde soǵys ardagerlerine teńestirilgenderge de jalpy 40,4 mln teńge tólem jasalady.

Óńirde osyndaı 380 adam bar.

Al, ózge memleketterdiń aýmaǵyndaǵy áskerı qımyldarǵa qatysqan 676 adam 44,4 mln teńge somasynda tólem alady.

Budan bólek, óńirde 2112 tyl eńbekkerleri bar, olarǵa jalpy 63,7 mln teńge qarastyrylǵan.

QR «Ardagerler týraly» Zańynyń kúshi qoldanylatyn basqa tulǵalarǵa jalpy 12 mln teńge tólenedi.

Óńirde bul sanatta 296 adam bar.

«Aýdandar men qalalardyń jumyspen qamtý jáne áleýmettik baǵdarlamalar bólimderiniń derekteri boıynsha 9 mamyrǵa deıin barlyǵy 3471 adamǵa jalpy 171 mln teńge somasynda tólem jasalady», - dep túıindedi vedomstvodan.