Jeńis kúnine arnap elorda akterleri onlaın-kontsert berdi
Teatrdyń baspasóz qyzmetinen habarlaǵandaı, baǵdarlamaǵa soǵys jyldaryndaǵy óleńder men ánder, ár túrli kompozıtsııa men qoıylymdar engen. Qoıylymnyń rejısserleri - Bekbolat Parmanov pen Lıýdmıla Krıýchkova.
«Soǵys ardagerlerin Jeńis kúnimen quttyqtaý úshin «Biz bul kúndi barynsha jaqyndattyq» mýzykalyq-poetıkalyq kompozıtsııasy qoıyldy. Búgingi tańda Qazaqstan ǵana emes, búkil álem ómir súrip jatqan jaǵdaılardy eskere otyryp, kópshiliktiń jınalýyna tyıym salý talaptaryn saqtap, kontsert kórermenniń qatysýynsyz ótti. Ónersúıer qaýym teatrdyń YouTube kanalyndaǵy onlaın-translıatsııa arqyly ártisterdiń kontserttik qoıylymdaryn tamashalady. Akterler karantın men tótenshe jaǵdaı engizilgen sátten bastap alǵashqy qoıylymdy Jeńis kúnine arnap otyr. Sebebi soǵys jyldarynda da osynaý eń kóne teatrlardyń biri (qurylǵan jyly - 1899) belsendilik tanytqan edi», - delingen habarlamada.
Sol kezdegi eń tanymal spektaklderdiń qatarynda K.Sımonovtyń «Meni kút», M.Gorkııdiń «Sońǵylar», Loýdyń «Tereń tamyrlar», Korneıchýktyń «Platon Krechet», F. Shıllerdiń «Aıla men mahabbat» spektakli bar edi. 1942-1943 jyldary evakýatsııalanǵan Voroshılovgrad teatry Aqmolada jumys istedi. Sol kezde keıbir akter qalada qalyp qoıǵan. Teatr trýppasyna ártister, burynǵy ALJIR tutqyndalýshylary qosyldy. 1943 jyly oblystyq orys drama teatrynyń qazaq bólimi óz jumysyn bastady. Jańadan ashylǵan bólimde kastıngtiń jartysy kásibı sahnaǵa áýesqoı toptardan kelgen jas akterler edi. Alǵashqy qoıylym - Ǵ.Mustafınniń pesasy boıynsha jazylǵan «Jarys». Osy ýaqyt aralyǵynda teatr Aqmola - Qartaly jelisi boıymen júrip, gastroldik saparlardy belsendi júrgizedi. Kontsertter poıyz beketterinde jáne poıyzǵa shaqyrylýshylar men tamaqpen jóneltiletin poıyzdarda da qoıylǵan.
Onlaın-kontsertti qoıý úshin teatr trýppasy úlken daıyndyq júrgizip, áleýmettik jelide de nasıhat, jarnama jumystaryn laıyqty deńgeıde iske asyrǵan.
