Jeńis kúni qarsańynda Aqmola jastary ekologııalyq aktsııa ótkizdi
Aqmola oblysynyń jastar resýrstyq ortalyǵynyń basshysy Mánsııa Esekeevanyń aıtýynsha, «Estelik saıabaǵy» aktsııasy QR Aqparat jáne qoǵamdyq damý mınıstri Aıda Balaeva bastaǵan respýblıkalyq «Kıeli tabıǵat» ekologııalyq jobasy aıasynda ótkizildi.
Kókshetaý qalasynan shyǵaberistegi «Kókshetaý-Şýchınsk» tasjolynyń boıyndaǵy «Qulager» eskertkishtiń mańynda ótken sharaǵa oblystyq ekologııa departamentiniń qyzmetkerleri, «Kókshe-tsement» jáne KDA zaýyttary tárizdi jergilikti kásiporyndardyń ujymdary men volonterler, memlekettik qyzmetshiler qatysyp, 100 túp aǵash otyrǵyzdy.
Sharanyń basty maqsaty – jastardy ózderi turatyn eldi- mekenniń ekologııalyq jaǵdaıyn jaqsartý jumystaryna tartý, sondaı-aq, tabıǵatty saqtaý jáne uqypty qaraý mádenıeti men daǵdylaryna baýlý.
Aktsııa Aqmola oblysynyń barlyq aýdandary men qalalarynda jalǵasty.
«Bul «Estelik saıabaǵy» Ekinshi dúnıejúzi soǵysyna qatysqan jaýyngerlerimizdiń, elim, jerim dep qyzmet babynda qaza tapqan azamattarymyzǵa arnalǵan estelik bolyp qalady!», - deıdi Aqmola oblystyq jastar resýrstyq ortalyǵynyń basshysy Mánsııa Esekeeva.
