Jeńis kúni aıasynda Qazaqstanda 400-ge jýyq shara ótti
Naqtyraq aıtsaq, Qazaqstan aımaqtarynda eske alý aktsııalary, eskertkishterdi qalpyna keltirý boıynsha «Máńgilik alaý», áskerge shaqyrylǵan jastar men áskerı qyzmetkerlerdiń, eriktiler qozǵalystary ókilderiniń UOS ardagerleri men tyl eńbekkerlerine kómek kórsetýi turǵysynda «25 ıgi is», «Meıirim estafetasy», «Ardaǵym ardagerim», UOS bastalǵanyna 76 jyl bolǵanyna baılanysty «Taǵzym shyraǵy», ardagerlerdiń qatysýymen aǵash otyrǵyzýdy qamtıtyn «Beıbitshilik aǵashy», «Jaýjúrek polk» sharalary, «Este saqtaımyz! Maqtan tutamyz» fotokórmesi, sporttyń qoldanbaly túrlerinen qoıylymdar, UOS qaharmandaryn nasıhattaý keshteri, murajaılarǵa taqyryptyq saıahattar jáne basqa da qoǵamdyq mańyzdy sharalar ótkizildi.
Aıta keteıik, búgingi tańda elimizde 2 776 - Uly Otan soǵysyna qatysqandar men múgedekter, 157 679 - UOS jyldarynda tylda jumys istegender, 194 - qorshaýda bolǵan Lenıngrad qalasynda jumys istegender, 487 - kámeletke tolmaǵan kezderinde kontslagerlerde, getto jáne basqa da májbúrlep ustaý oryndarynda bolǵandar, 7 806 - qaıtys bolǵan soǵys múgedekteriniń áıelderi, 80 - UOS kezindegi áskerı qyzmetkerler, partızandar, astyrtyn jumys istegender, qaıtys bolǵandardyń (iz-tússiz joǵalyp ketkender) qaıta úılenbegen jubaılary, ózge de Jeńiske úles qosqan sanattardan 778 azamat ómir súrip jatyr.
2015 jyldyń 29 qazanynda Memleket basshysy qol qoıǵan QR «Qazaqstan Respýblıkasynyń keıbir zań aktilerine halyqty áleýmettik qorǵaý máseleleri boıynsha ózgerister men tolyqtyrýlar engizý týraly»» Zańynda 2018 jyldyń 1 qańtarynan bastap, jumysqa jaramdy otbasy músheleriniń mindetti túrde jumyspen qamtý sharalaryna belsendi qatysý talabymen, árbir múshesine sanaǵanda tabysy eń tómengi kúnkóris deńgeıiniń (búginde - 40%) 50 paıyzynan tómen otbasyǵa, ataýly áleýmettik kómekti (ári qaraı - AÁK) kórsetýdiń jańa tártibin engizý qarastyrylǵan. Olar qazirgi is júzindegi kelesi qaǵıdalardyń ornyna usynylmaq:
- kópbalaly otbasylarǵa arnaýly memlekettik járdemaqy (ári qaraı - AMJ);
- az qamtylǵan otbasylarǵa arnalǵan 18 jasqa deıingi memlekettik balalar járdemaqysy;
- az qamtylǵan úı sharýashylyǵyna beriletin ataýly áleýmettik kómek.
«Jańa sıpattaǵy AÁK jańa úlgide shartsyz jáne shartty aqshalaı kómek bolyp 2 túrge bólinedi.
Shartsyz aqshalaı kómek, quramynda eńbekke jaramsyz músheleri bar otbasylarǵa (máselen qart zeınetkerler men múgedekter otbasy) nemese eńbekke jaramdy músheleri eńbekpen qamtý sharalaryna belgili bir sebeptermen qatysa almaıtyn otbasylarǵa (mysaly mektep jasyndaǵy balalary bar jalǵyzbasty ana) beriledi. Mundaı otbasylardan járdemaqy alýy úshin jumyspen qamtý sharalaryna mindetti túrde qatysý talap etilmeıdi.
Shartty aqshalaı kómek quramynda eńbekke jaramdy kem degende bir múshesi bar otbasyǵa áleýmettik kelisimshart jasasqan jaǵdaıda, sonymen qatar, otbasynyń barlyq eńbekke jaramdy músheleri jumyspen qamtý sharalaryna mindetti túrde qatysqan jaǵdaıda beriledi.
Áleýmettik kelisimshartqa qol qoıa otyryp, taraptar ózara jaýapkershilikti moıyndaryna alady: áleýmettik qyzmetter jumyspen qamtý sharalaryn qarastyryp, járdemaqy tólese, otbasynyń eńbekke jaramdy músheleri jumyspen qamtý sharalaryna jaýapkershilikpen qatysady.
