Jeńis Qasymbek óńirdegi balabaqsha máselesin sheshýdi tapsyrdy
QARAǴANDY. QazAqparat - Oblys ákimi Jeńis Qasymbek mektepke deıingi uıymdar máselesin sheshýdi tapsyrdy, dep habarlaıdy QazAqparat tilshisi.
Búgingi kúni oblys aımaqtarynda ornalastyrylǵan memlekettik tapsyrys kólemi normatıvke sáıkes kelmeıdi.
«2020 jyly normatıvti respýblıkalyq deńgeıdegi ádisteme men ólshemderge sáıkes keltirý jóninde sharalar qabyldaýdy tapsyramyn. Birtindep qarjylandyrýdyń qajetti kórsetkishine shyǵý kerek», - dep dedi óńir basshysy.
Onyń aıtýynsha, respýblıka boıynsha bir balaǵa áleýmettik memlekettik tapsyrys somasy 27 502 teńgeden 33 380 teńgege deıin ózgeredi. Qaraǵandy oblysynda bul kórsetkish tómen, máselen qalalarda - 20,6-dan 25,1 myń teńgege deıin, al aýyldyq jerlerde - 10,4-ten 23,6 myń teńgege deıin.
Memlekettik tapsyrys somasyn ulǵaıtý óńirdegi mektepke deıingi bilim berý sapasyn jaqsartýǵa múmkindik beredi.
Sondaı-aq, oblys ákimi eki jastan bastap balalardy mektepke deıingi orynmen qamtamasyz etý úshin jeke balabaqshalardy ashýǵa bıznesmenderdi tartý boıynsha jumysty jalǵastyrý qajettigin eske saldy.
