Jeńis Qasymbek komandalyq aýysý jaıynda: Eshkimdi ákelmeımin
Búgin Memleket basshysy Qasym-Jomart Toqaevtyń tóraǵalymen ótken úkimettiń keńeıtilgen otyrysynan keıin BAQ ókilderi Astana ákiminen «komandalyq aýysý bola ma?» dep suraǵan edi.
«Eshkimdi ákelmeımin», - dep qysqa jaýap berdi Jeńis Qasymbek. Sonymen qatar ol LRT men qalany gazdandyrý máselesine toqtaldy.
«Aldaǵy eki-úsh jylda LRT jobasy aıaqtalady.. Másele qarjylandyrýda bolyp tur. Gazdandyrý qarqyny toqtamaıdy. Qazir jeke sektorlardyń bárinde gazdandyrý jumysy júrip jatyr. Taldykólge qatysty ázirge eshteme aıta almaımyn. Jumysqa kiriskenime eki-úsh kún boldy. Sondyqtan, belgili bir ýaqyt ótken soń jýrnalıstermen kezdesemin, árbir másele boıynsha kezdesip, aqyldasyp otyramyn», - dedi qala basshysy.
Jeńis Qasymbek Astananyń problemalaryna da toqtaldy.
«Problema kóp. Naqty bireýinen bastap, jumysqa kirisemin dep aıta almaımyn. Olardyń bári mańyzdy. Qazir qala boıynsha 47 myńnan astam adam turǵyn úı kezeginde tur. Onyń jartysy - kóp balaly otbasylar. Sol kisilerdiń máselesin sheshý qajet. Kommýnaldyq jelilerdiń tozyǵy bar, ony sheshý kerek», - dedi qala ákimi.
