Jeńis Qasymbek qoqys shyǵaratyn kásiporyndardyń jumysyna syn aıtty
Oblys ortalyǵy – Qaraǵandy qalasynda da qoqys jınaýǵa qatysty kóptegen shaǵymdar bar. Óńir basshysy Jeńis Qasymbek kommýnaldyq qyzmetterge tártip ornatýdy talap etti.
Zańsyz qoqys alańdaryn joıý jumystary týraly onlaın rejıminde ótken apparat keńesinde Tabıǵı resýrstar jáne tabıǵat paıdalanýdy retteý basqarmasynyń basshysy Áset Tazabekov baıandady.
Onyń aıtýynsha, qaldyqtar tastalatyn oryndar qashyqtan zondtaý arqyly ǵaryshtan anyqtalady. Osylaısha, 800-den astam zańsyz qoqys alańy tabyldy. Búginde olardyń basym bóligi joıyldy. Biraq birqatar qalalar men aýdandarda bul baǵyttaǵy jumysty kúsheıtý qajet. Bul, ásirese, Qaraǵandy men Temirtaýǵa qatysty.
«Tazalyq – bul turǵyndardyń birinshi kezekte nazar aýdaratyn máselesi. Problema ózekti. Qaraǵandyda qoqystyń jınalýyna qatysty shaǵymdar kóp. Men ózim jaıaý júrip, aýlalardy aralaımyn. Kommýnaldyq qyzmetterdiń jumysy óte nashar júrgiziletinin kórip júrmin. Qala ákimshiligi tarapynan baqylaý joq», - dep atap ótti Jeńis Qasymbek.
Oblys ákimi aldaǵy kúnderi búgin aıtylǵan synnan keıin qandaı jumystar atqarylǵanyn teksermek.