Jeńis Qasymbek Qaraǵandy oblysyndaǵy sý tasý qaýpi bar aımaqtardy aralady
QARAǴANDY. QazAqparat – Qaraǵandy oblysynyń ákimi Jeńis Qasymbek Buqar Jyraý jáne Abaı aýdandarynyń sý tasý qaýpi bar ýchaskelerin aralady, dep habarlaıdy QazAqparat tilshisi.
Eń aldymen ol Qulaıǵyr aýylynda boldy. Munda osyǵan deıin bolǵan sý tasqyny kezinde bógettiń aptty jaǵdaıda bolýyna baılanysty eldi mekendi sý basý qaýpi týyndaǵan edi.
Munda sý tasqynynan qorǵaıtyn «Topar» bógeti bar. Ol 1937 jyly salynǵan, kóptegen jyldardan beri onyń tozyǵy jetken. 2020 jyly gıdrotehnıkalyq qurylysty kúrdeli jóndeý bastaldy. Jumystardy bıyl aıaqtaý josparlanyp otyr.
Sondaı-aq, Topar ózeniniń arnasyna 2,6 shaqyrym arnasyna júrgizilgen 2020 jyly júrgizilgen sanatsııalaý jumystary tekserildi. Odan keıin óńir basshysyna Sherýbaı-Nura ózeniniń shamamen 17 shaqyrym arnasyn sanatsııalaý jumysy týraly aıtyldy.
Jeńis Qasymbek Sherýbaı-Nura jáne Yntymaq sý qoımalarynyń sý torabyn, Sasyqkól kólin, sondaı-aq Aqtóbe, Jańatalap, Qyzyljar jáne Tegisjol aýyldaryn aralap kórdi.
Kelesi at basyn tirigen jer Sadovoe aýyly boldy. Aýyl 2015-2017 jyldary kóktemde sý astynda qaldy. Osy jaǵdaı qaıtalanbaýy úshin 2017 jyly 3,6 shaqyrymdy alyp jatqan qorǵanys maqsatynda salynǵan dýal qaıta nyǵaıtyldy.
Sodan keıin Chkalovo aýyly tekserildi, onda 2017 jyly uzyndyǵy 2,5 shaqyrym qorǵanys dýaly salyndy.
Sondaı-aq, Jeńis Qasymbek Samarqan sý qoımasynyń gıdrotorabynda boldy.
Kelesi kezekte oblys basshysy Ǵabıden Mustafın kentiniń aınalasynda turǵyzylǵan qorǵanys dýalyn tekserdi.
Kóp jyldyq baqylaýlar negizinde oblysta avtomobıl jáne temir joldarynyń 139 sý tasqyny qaýpi bar ýchaskeleri, sondaı-aq sý tasqynyna beıim 174 eldi meken anyqtaldy. Olardyń barlyǵy erekshe baqylaýǵa alyndy.
Ǵaryshtyq monıtorıng derekteri boıynsha búgingi tańda oblys aýmaǵynyń 85%-yn qar basyp jatyr. Qazir Qazgıdromet mamandary sý tasqyny kezeńine naqty boljam berý úshin zertteýler men ólsheýler júrgizýde.
Azamattyq qorǵaýdyń oblystyq kishi júıesiniń kúshteri men quraldary daıyndyqqa keltirildi. Bul 6 700 adam jáne 1 600 birlik tehnıka.
Ushaqtan baqylaý qorytyndysy boıynsha óńir basshysy qar kúreý jáne shyǵarý, gıdroqurylystar arqyly sý ótkizý jumystaryn nazarda ustaýdy tapsyrdy.
Aıta keteıik, 2020 jyly Qaraǵandy oblysynyń 33 eldi mekeniniń aýmaǵynda 22 shaqyrymnan astam qorǵanys bógetteri men úıindileri salyndy jáne nyǵaıtyldy, 9 shaqyrymnan astam sý burý arnalary salyndy jáne jóndeldi, sý túbin tereńdetý, jaǵalaýdy bekitý jumystary júrgizildi, ózen arnalarynyń 12 shaqyrym sý tasqyny qaýpi bar ýchaskeleri tazartyldy jáne keńeıtildi, 65,5 shaqyrym drenajdyq jáne sý burý júıeleri tazartyldy, 74 ýchaskede sý ótkizý qabileti ulǵaıtyldy.
Jalpy, 2015 jyldan bastap 2020 jylǵa deıin oblysta 220 shaqyrym qorǵanys úıindileri turǵyzylyp, nyǵaıtyldy, eldi mekenderdegi 67 shaqyrym ózen arnalarynyń sý tasqyny qaýpi bar ýchaskeleri tazartyldy.
