Jeńis Qasymbek Qaraǵandy oblysyndaǵy órt shyqqan óńirlerdiń jaǵdaıyn bilip qaıtty
NUR-SULTAN. QazAqparat- Qaraǵandy oblysynyń ákimi Jeńis Qasymbek oblystaǵy jaszdyń aptap ystyǵyna baılanysty órt shyqqan óńirlerdegi jaǵdaıdy bilip qaıtty.
Sapar barysynda kórgen-bilgenderimen Facebook jelisinde bólisti, dep habarlaıdy QazAqparat.
Saǵat 10:00-de Sheńber aýyldyq okrýginde boldym. Munda dala órtiniń taǵy bir oshaǵy tirkeldi. Órt Qostanaı oblysy jaǵynan keldi. Oqıǵa ornynda órt sóndirýshiler jáne orman sharýashylyǵynyń qyzmetkerleri jumys istep jatyr. Eldi mekenge tónip turǵan qaýip joq.
Sondaı-aq áýeden Amangeldi aýyldyq okrýgindegi jaǵdaımen tanystym. Munda túnde órt boldy. Qazir órt oshaǵy tolyqtaı sóndirildi.
Ulytaý aýdany boıynsha barlyǵy 6 órt oshaǵy baqylaýǵa alynǵan. Onyń ishinde tórt dala órti jáne eki órt oshaǵy bar. Sátbaev qalasy mańyndaǵy órt oshaǵy sóndirildi. Al Borseńgir aýylynyń mańyndaǵy órt oshaǵyn óshirý jumystary aıaqtalý satysynda.
«Qaýipti ýchaskelerdi joıý úshin qajetti kúshter men quraldar jetkilikti. Jezqazǵan jáne Sátbaev qalalarynan ákimdikter 20 tonna kóleminde jem-shóp pen azyq-túlik jetkizýdi uıymdastyrdy»,-dep jazdy oblys ákimi.
