Jeńis Qasymbek Qaraǵandy oblysyndaǵy barlyq qoǵamdyq kólikti jańartýdy tapsyrdy
QARAǴANDY. QazAqparat – Qaraǵandy oblysynyń ákimi Jeńis Qasymbek avtoparkter basshylyǵyna aldaǵy eki jylda barlyq avtobýstardy jańartýdy tapsyrdy, dep habarlaıdy QazAqparat tilshisi.
Búgin «Báıterek» UBH» AQ jáne qalalyq avtoparkter basshylyǵymen ótken keńeste aımaq basshysy Qaraǵandy men oblystyń basqa da iri qalalaryndaǵy barlyq qoǵamdyq kólikterdi aýystyrý qajettigin eske saldy.
«Qazir avtoparkter úshin nesıelendirýdiń óte tıimdi sharttary bar. Osy mehanızmderdi paıdalanyńyzdar. Sizder jyljymaly quramdy jańartý boıynsha mindetteme alatyn bolsańyzdar, biz óz tarapymyzdan sýbsıdııalaýdy ulǵaıtýǵa daıynbyz. Eger olaı bolmasa, biz sýbsıdııalaýdy toqtatamyz. Bul – qatań sheshim. Biz osyndaı túbegeıli sharalarǵa barǵymyz kelmeıdi jáne mýnıtsıpaldyq avtopark qurýdy kózdep otyrǵan joqpyz. Alaıda, avtobýstardyń tozýyna baılanysty jolaýshylardyń qaýipsizdigine qaýip tónetin bolsa, ondaı qadamǵa barýymyzǵa týra keledi», - dedi Jeńis Qasymbek.
Esterińizge sala keteıik, oblys ortalyǵyndaǵy eń iri №3 avtopark 75 jańa avtobýs satyp alǵan bolatyn. Olardyń bir bóligi jolǵa shyqty. №5 avtoparkte ázirge tek eki jańa kólik satyp alynǵan. Qaraǵandyda barlyǵy 553 avtobýsty jańartý qajet.
