Jeńis Qasymbek ınfraqurylym sapasy boıynsha QR reıtıngi sýbektıvti ekenin aıtty
«Infraqurylym sapasy boıynsha Qazaqstan 2015 jyly 58-orynda boldy, al 2016 jyly - 63-oryn. Ár jyl saıyn biz bólinetin qarjyny arttyrýdamyz, alaıda bul turǵydaǵy kórsetkishte tómendeý baıqalýda. Sebebi nede?» - dep surady Saǵyntaev QR Investıtsııalar jáne damý mınıstri Jeńis Qasymbekten.
Óz kezeginde mınıstr 2016 jyly tómendeý tek eki negizgi kórsetkish boıynsha, ıaǵnı avtojol jáne porttar sapasy aıasynda oryn alǵanyn jetkizdi. Bul baǵyttar Qazaqstannyń eldik reıtıngine yqpal etken kórinedi.
«2011 jyldan bergi ýaqytta kórsetkishter jaqsarǵan edi. Ótken jyly salaǵa aýqymdy ınvestıtsııalar salynǵanymen, 2 kórsetkish boıynsha tómendeý boldy. Bul kórsetkishter avtokólik joldary ınfraqurylymynyń sapasy men porttar sapasyna qatysty»,-dedi J. Qasymbek.
Onyń paıymynsha, bul nátıjeler birshama sýbektıvti bolyp tabylady. Osy baǵyttaǵy qorytyndylar saýalnama ádisimen júzege asyrylatyn kórinedi. «Biz qazirgi kezde tıisti sharalardy qarastyryp jatyrmyz jáne 2017 jyly atalǵan kórsetkishter ózgeredi degen oıdamyz»,-dedi mınıstr.
Bul rette Úkimet basshysy kórsetkishterdi anyqtaý saýalnama ádisimen júrgizilgen jaǵdaıda tıisti jumystardy atqarý kerektigin vedomstvoǵa tapsyrdy.
«Biz bızneske, el turǵyndaryna atqaryp jatqan jumystarymyzdy tıisti deńgeıde jetkizbeı otyrmyz. ıAǵnı, iske asyrylǵan jumystar jaıynda aqparat durys jarııa etilmeıdi. Burynǵysynsha, «sapasy durys emes» degen eskishe pikirmen bul saýaldarǵa osylaısha jaýap berip júrgen bolar»,-dedi Premer-Mınıstr.
