Jeńis Qasymbek ındýstrııalandyrýdyń úshinshi besjyldyǵynyń negizgi baǵytyn atady
NUR-SULTAN. QazAqparat - Bıyl ındýstrııalandyrýdyń úshinshi besjyldyǵyn daıyndaý jumystary júrgiziledi. Bul týraly búgin Úkimet otyrysynda Premer-Mınıstrdiń orynbasary Jeńis Qasymbek aıtty, dep habarlaıdy QazAqparat tilshisi.
«Jyl sońyna deıin baǵdarlamanyń josparlanǵan barlyq ındıkatorlary men kórsetkishterine qol jetkiziletin bolady. Buǵan Elbasynyń «qarapaıym zattar ekonomıkasy» jobalaryn, sondaı-aq eksporttaýshylardy qoldaý baǵdarlamasyn iske asyrý týraly bastamalaryn júzege asyrý yqpal etedi. Jyl qorytyndysy boıynsha óńdeýshi ónerkásip kem degende 4 paıyzǵa ósýi tıis», - dedi Jeńis Qasymbek.
Sonymen qatar Úkimet basshysynyń orynbasary bıylǵy jylǵy negizgi mindetterdiń biri - ındýstrııalandyrýdyń úshinshi besjyldyǵyn daıyndaý ekendigin atap ótti.
«Indýstrııaldandyrýdyń úshinshi besjyldyǵynda negizgi baǵdar eńbek ónimdiliginiń ósimi arqyly óńdeý ónerkásibiniń básekege qabilettiligin arttyrý, eksporttaýshylardy qoldaý jáne Qazaqstan taýarlaryn syrtqy naryqqa shyǵarý bolady. Bul qujat áleýmettik baǵdarlanǵan bolýy kerek. Іshki naryqty óńdeý ónerkásibiniń joǵary sapaly otandyq ónimderimen, sonyń ishinde halyq tutynatyn taýarlarmen toltyrý arqyly árbir qazaqstandyqtyń ómir súrý deńgeıin kóterýge yqpal etý tıis», - dedi Jeńis Qasymbek.
