Jeńis Qasymbek elordada júzege asyrylyp jatqan iri ınfraqurylymdyq jobalardy atady
«Eń mańyzdy máselelerdiń biri ol – elordadaǵy azyq-túlik taýarlaryna baǵany turaqtandyrý. Qala kórshiles óńirlermen azyq-túlikpen qamtamasyz etý boıynsha naqty jumys júrgizýde. Jyl basynan beri áleýmettik mańyzy bar azyq-túlik taýarlary baǵasynyń ındeksi 104,5 paıyzdy qurady. Qazirgi kúni jaǵdaı turaqtaldy. Sońǵy eki aıda kórsetkish 100,3 paıyzdy quraıdy, - dedi Jeńis Qasymbek.
Onyń atap ótýinshe, osy jyldyń sońyna deıin elordany damytýdyń 2035 jylǵa deıingi jańa bas jospary ázirlenýde. Onda turǵyndar úshin qolaıly jaǵdaı jasaýǵa basa nazar aýdarylady.
«Sizdiń (Prezıdent Qasym-Jomart Toqaevtyń) qoldaýyńyzdyń nátıjesinde qalany odan ári damytý úshin birqatar mańyzdy ınfraqurylymdyq jobalar aıaqtalýda. Olar jalpy qýattylyǵy saǵatyna 1130 gıgakalorııany quraıtyn úshinshi jylý elektr ortalyǵy qurylysynyń 1-shi kezegi men eki gaz jylý stantsııasynyń, sonymen qatar táýligine qosymsha 105 myń tekshe metr sý beretin úshinshi nasos-fıltr stantsııasynyń qurylysy. Bul joba osy jyldyń shildesinde aıaqtalady. Cýmen turaqty qamtamasyz etý úshin Nura jerasty sý qubyrynyń qurylysy men Telman sorǵy stantsııasyn keńeıtý boıynsha jobalardy júzege asyrýdy bastaımyz, sondaı-aq Sátbaev atyndaǵy kanaldan sý alýdy kózdeıtin tórtinshi nasos-fıltr stantsııasyn jobalaýdy josparlap otyrmyz», - dedi qala ákimi.
