Jeńis Qasymbek E-QURYLYS jobasynyń tıimdiligin túsindirdi
ASTANA. QazAqparat - QR Indýstrııa jáne ınfraqurylymdyq damý mınıstri Jeńis Qasymbek E-QURYLYS júıesin engizý jaıynda aıtty, dep xabarlaıdy QazAqparat tilshisi.
Mınıstrdiń aıtýynsha, búginde qurylys salasynda E-QURYLYS biryńǵaı aqparattyq júıesi engizilýde. Atalǵan júıe blokcheın texnologııasy negizinde jumys isteıdi jáne kez kelgen nysannyń qurylys jumystaryn tolyǵymen baqylaýǵa múmkindik beredi.
«Synaq pılottyq rejimde Astana qalasynda naqty bir nysandarda bastaldy. Baqylaý jáne qadaǵalaý organdary kúnde qashyqtan baqylaýdy jasaı alady jáne jazbasha túrde eskertý bere alady. Qajet bolsa, osy júıege tótenshe jaǵdaılar, sanıtarlyq-epıdemıologııalyq qyzmet jáne eńbek ınspektsııasyn qosýǵa bolady», - dedi J.Qasymbek Úkimettiń búgingi otyrysynda.
Aıta keteıik, otyrysta mınıstr E-SHANYRAQ jobasy aıasynda únemdelgen qarajattyń somasyn atady. J.Qasymbek 4 protsenttik avtonesıe baǵdarlamasyna qosymsha qarjy bólý týraly qaýlyny da tanystyrdy. Budan bólek, Turǵyn úı qurylys jınaq bankiniń «5-20-25» shartymen beriletin ıpotekasyna qosymsha qarjy bólý týraly sheshim qabyldandy.
