Jeńis Qasymbek COVID-19-ǵa qarsy ekpe aldy
QARAǴANDY. QazAqparat – Búgin alǵashqylardyń biri bolyp óńir basshysy Jeńis Qasymbek, Densaýlyq saqtaý basqarmasynyń basshysy Erjan Nurlybaev, oblystyń bas memlekettik sanıtarlyq dárigeri ıÝrıı Zalygın koronavırýske qarsy vaktsına aldy, dep habarlaıdy QazAqparat tilshisi.
Oblysqa reseılik «Spýtnık V» vaktsınasynyń 1 750 dozasy kelip tústi. Onyń 300 dozasy Qaraǵandyda qalady. Qalǵandary Temirtaý, Balqash jáne Jezqazǵanǵa jetkiziledi. Oblysta vaktsınany saqtaý úshin 99 Tońazytqysh qarastyrylǵan. Sondaı-aq, 115 termokonteıner jáne eki avtorefrıjerator bar.
Alǵashqy vaktsınalaý sharasy Lobody kóshesindegi otbasylyq densaýlyq ortalyǵynda ótti. Munda terapevt-dárigerdiń kabıneti, shuǵyl medıtsınalyq kómek kabıneti, egý kabınetteri jáne vaktsınadan keıingi baqylaý aımaǵy bar. Shuǵyl jáne shtattan tys jaǵdaılar úshin jedel medıtsınalyq kómek aımaǵy jabdyqtalǵan. Kabınetterde vaktsınatsııalaýdyń barlyq úderisin tirkeıtin beınebaqylaý kameralary ornatylǵan. Beıne jyl sońyna deıin saqtalady.
Vaktsınatsııadan buryn dárigerler naýqasty tekserip, tolyq tarıhyn, onyń ishinde allergologııalyq málimetterin jınaıdy. Temperatýrany, qysymdy jáne ımpýlsti de ólsheıdi. Eger qarsy kórsetilimder bolmasa, vaktsınatsııa jasalady.
Búgin, 1 aqpanda jospar boıynsha Qaraǵandyda barlyǵy 150 medıtsına qyzmetkeri ekpe alady.
Qaraǵandyda osyndaı vaktsınatsııa ortalyqtary basqa da emhanalar, №1 kópsalaly aýrýhana jáne jeke medıtsınalyq mekemeler bazasynda jumys isteıtin bolady. Egý pýnktteri Temirtaý, Jezqazǵan jáne Balqashta da iske qosylady.
Birinshi kezeńde Qaraǵandy oblysynda ınfektsııalyq aýrýhanalardyń, jedel medıtsınalyq kómektiń, jan saqtaý bólimsheleriniń, AMSK uıymdarynyń, qabyldaý bólmeleriniń, sanepıdqyzmettiń 9 myń medıtsına qyzmetkerin egý josparlanýda.
