Jeńis Qasymbek: Tsıfrlandyrý - TÚKSh salasyn transformatsııalaýdyń negizi
«Turǵyn úı-kommýnaldyq sharýashylyǵynyń qyzmetin biz kúndelikti paıdalanamyz. Ol elimizdegi árbir azamattyń ómirine qatysty mańyzdy qyzmet. Sonymen birge, osy salany bári de synaýǵa qumar ekenin bilesizder. Biz qyzmetttiń sapasy men salanyń ashyqtyǵyn jıi syn sadaǵyna iliktirip jatamyz. Mine, sondyqtan, turǵyn úı kommýnaldyq sharýashylyq sektoryna tsıfrlandyrýdyń engizilýi zaman talaby ǵana emes, ol - qarapaıym qajettilik. Tsıfrlandyrý TÚKSh salasyn transformatsııalaýdyń negizi bolary anyq», - deıdi mınıstr.
Jeńis Qasymbek atap ótkendeı, Qazaqstanda qazirgi ýaqytta atalmysh salany jan-jaqty qoldaý úshin reformalar júrgizilip jatyr.
«Búgingi tańda Parlamentte turǵyn úı qarym-qatynasy týraly zań jobasy talqylanyp jatyr. Bul jerde elimizdegi turǵyn úı kommýnaldyq sharýashylyq salasyndaǵy jańa júıeni tolyqqandy qurý týraly sóz bolyp otyr. Osyǵan baılanysty birqatar tapsyrma bar. Árıne, eń birinshiden, sharýashylyqtar kórsetetin qyzmettiń sapasyn arttyrý kerek. Ekinshiden, TÚKSh salasyndaǵy qaýipsizdikke mańyz bergimiz keledi. Úshinshiden, tarıfterdi belgileýdegi ashyqtyq, osy saladaǵy shyǵyndardyń esebiniń ashyqtyǵy eskeriledi. Sondyqtan, tsıfrlandyrý máselesi TÚKSh salasy men ony damytýda eń mańyzdy jumystardyń biri bolyp tabylady», - deıdi mınıstr.
Aıta ketsek, Astanada QR Investıtsııalar jáne damý mınıstrligi «Turǵyn úı kommýnaldyq sharýashylyǵyn jańǵyrtý men damytýdyń qazaqstandyq ortalyǵy» AQ-pen birlesip, «TÚKSh-in tsıfrlandyrý: ashyqtyq jáne sapa» atty is-shara ótkizip jatyr.
