Jeńis Qasymbek: Bizdiń mindetimiz - qyzmetkerler men olardyń otbasyna qamqorlyq jasaý
QARAǴANDY. QazAqparat - Qaraǵandy oblysynyń kásiporyndary jumys oryndaryn saqtaýǵa, eńbek quqyqtarynyń saqtalýyn jáne óndiristiń turaqtylyǵyn qamtamasyz etýge mindettenedi.
Oblystaǵy ákimdikter, 160 iri jáne orta kásiporyndar men kásipodaqtar arnaıy úshjaqty memorandýmǵa qol qoıdy, dep habarlaıdy QazAqparat.
Óńir basshysy Jeńis Qasymbek «Qazaqmys» Korporatsııasy jáne Jáırem taý-ken baıytý kombınatynyń basshylarymen kezdesti. Taǵy da ondaǵan kásiporyndardyń ókilderi jıynǵa selektorlyq baılanys arqyly qatysty.
Oblys ákimi koronavırýstyq ınfektsııamen kúreske qosqan úlesi úshin kompanııalarǵa alǵysyn bildirdi. Olardyń kópshiligi Elbasynyń úndeýine qosylyp, qoǵamdyq qorǵa aqsha aýdardy.
«Ókinishke qaraı, ekonomıkalyq sıpattaǵy qaýip-qaterler bar. Ol – munaı men metall baǵasynyń quldyraýy. Munda biz óńirdiń kásiporyndary úshin, olardyń turaqty jumys isteýi úshin eleýli qaýipterdi kórip otyrmyz. Bizdiń ortaq mindetimiz - qyzmetkerler men olardyń otbasylaryna qamqorlyq tanytý bolyp tabylady», - dedi Jeńis Qasymbek.
Bılik ınfraqurylym men turǵyn úı-kommýnaldyq sharýashylyqty damytý, eldi mekenderdi abattandyrý boıynsha Jumyspen qamtýdyń jol kartasyn ázirleýde, dep habarlady aımaq basshysy.
Onyń aıtýynsha, bul 17,5 myńnan astam jumys ornyn qamtamasyz etedi.
Sonymen qatar, oblystyń barlyq iri kásiporyndarymen birlesip qyzmetkerlerdiń basqarylatyn aǵyny boıynsha Jol kartalary quryldy.
Kelisimge qol qoıǵan kásiporyndarda 30 myńǵa jýyq adam eńbek etedi. Kezdesýde iri kásiporyndardyń ókilderi atap ótkendeı, birlesken sharalar birinshi kezekte jumys oryndaryn saqtaýǵa jáne óz eńbek kadrlarynyń turaqty tabysyn qamtamasyz etýge baǵyttalǵan.
