Jeńis Qasymbek: Attraktsıondar qatań qadaǵalanatyn bolady
ASTANA. QazAqparat - Qazaqstandaǵy attraktsıondardaǵy qaýipsizdik máselesi qatań qadaǵalanatyn bolady. Bul týraly elordada halyq aldyndaǵy eseptik kezdesýde Investıtsııalar jáne damý mınıstri Jeńis Qasymbek málim etti, dep habarlaıdy QazAqparat tilshisi.
«Sońǵy jartyjyldyqta EAEO aıasynda attraktsıondardaǵy qaýipsizdik boıynsha biryńǵaı qujat qabyldandy. Bul rette Qazaqstan, Reseı, Belarýs jáne Qyrǵyzstan qamtylyp otyr. Qazirgi kezde biz ózimizdiń zańnamany osy standartarǵa sáıkes keltirip jatyrmyz. ıAǵnı reglamentteledi jáne atalǵan standarttar bes elge biryńǵaı bolady», - dedi mınıstr.
Osy oraıda Jeńis Qasymbek bul halyqaralyq standarttar ekenin, sondyqtan da atalǵan qyzmet (attraktsıondar) túri qatań qadaǵalanyp, retteletinin jetkizdi.
Eske sala ketsek, 4 mamyrda elordada «Jannur» saýda úıi aýmaǵyndaǵy batýtty qatty jel ushyryp, 5 bala zardap shekken edi. Batýt kúrdeli konstrýktsııaly bolǵan, jalpy aýdany 200-250 sharshy metr.
