Jeńis Qasymbek astanalyqtar jeke qabyldaýyna qalaı jazyla alatynyn aıtty
«Azamattardy qabyldaýǵa egov.kz, e-otinish portaly nemese qala ákimdiginiń keńsesi arqyly jazylýǵa bolady. Ózara baılanysty kúsheıtýde áleýmettik ortalyqtardyń da kómegi zor: «Januıa» otbasy ınstıtýtyn qoldaý ortalyǵy (Beıbitshilik kóshesi, 14), Turǵyn úı salasynda qyzmet kórsetý jónindegi biryńǵaı ortalyq (Respýblıka dańǵyly, 32)», - dep jazdy qala basshysy Instagram-daǵy jeke paraqshasynda.
Jeltoqsan aıynyń basynda Astana ákimi laýazymyna kirisken Jeńis Qasymbek qala turǵyndaryn apta saıyn jeke qabyldaıdy.
29 jeltoqsanda ótken qabyldaý barysynda elordalyqtar birqatar problema kótergen.
«Ol máselelerdiń sheshilý barysyn baqylaýda ustaımyn. Qazir qabyldaýymda 100-den astam otbasy kezekte tur, al olardyń qatary ýaqyt ótken saıyn artyp keledi. Problemalardy barynsha jedel sheshýge tyrysamyz. Azamattardy qabyldaý jumysy apta saıyn ótkiziledi, onyń ishinde qala turǵyndarymen jergilikti oryndarda kezdesýdi de jalǵastyramyz», - dedi J.Qasymbek.
Foto: t.me/KZgovernment
