Jeńis Qasymbek Astanadaǵy sý tapshylyǵy máselesin qalaı sheshetinin aıtty
«Qalanyń ósý qarqyny aıtarlyqtaı joǵary. Ásirese, keıingi 2-3 jylda qatty úlkeıip ketti. Turǵyndar sany qurylys maýsymy kúsh alǵan kezde 1,5 mln adamǵa deıin jetedi. Qalada resmı túrde 1,3 mln adam turaqty tirkeýge alynǵan. Jyl saıynǵy ósim – 70-80 myń adam», - dedi ol.
Aıtýynsha, elordanyń qurylys qarqynyna ınjenerlik ınfraqurylym ilese almaı jatyr.
«Qazir úshinshi sý soryp-súzetin stansa salynyp jatyr. Tamyz aıynda qurylysy tolyq bitýi kerek. Birinshi kezeńi mamyrdyń aıaǵynda, maýsymnyń basynda aıaqtalady. Sonyń arqasynda saǵatyna qosymsha 100 myń tekshe metr sýmen qamtamasyz etemiz. Qazirgi tapshylyq saǵatyna 30 myń tekshe metrdeı. Sonda biz jańa stansanyń kómegimen aldaǵy birneshe jyldyń suranysyn jaba alamyz. Munymen qatar, jyl aıaǵyna deıin tórtinshi osyndaı stansanyń qurylysyn bastap ketýdy jospalap otyrmyz», - dedi ákim.
