Jeńis Qasymbek: Astana – kreatıvti ekonomıkasy bar saýda úshin óńirlik habqa aınaldy

ASTANA. QazAqparat – Astana talanttar, týrıster, ınvestorlar jáne kreatıvti ıdeıalar úshin aımaqtyq habqa aınaldy. Bul týraly elorda ákimi Jeńis Qasymbek málim etti, dep habarlaıdy QazAqparat tilshisi.

«Nebári 25 jylda biz 33 mln sharshy metr turǵyn úı, 670 balabaqsha men mektep, 100-den astam mádenı jáne sport nysanyn saldyq. Astana álemdik deńgeıdegi talanttardy, jastardy, týrısterdi, ınvestorlardy jáne kompanııalardy tartatyn kreatıvti ekonomıkasy bar saýda úshin óńirlik habqa aınaldy. Shaǵyn jáne orta bızneske negizdelgen qala ekonomıkasynyń ózin-ózi qamtamasyz etetin qurylymy qalyptasty», - dedi Jeńis Qasymbek elordada ótip jatqan Astananyń baýyrlas qalalar forýmynda.

Photo: t.me/aqorda_resmi

Qala basshysynyń aıtýynsha, Astana – ekonomıkalyq ósý men damýdyń qalasy ǵana emes, sonymen qatar táýelsiz, kúshti jáne senimdi damyp kele jatqan memlekettiń bet-beınesi.

Buǵan deıin elorda ákimi sońǵy jyldary Astanaǵa 14 mlrd dollardan astam shetel ınvestıtsııasy tartylǵanyn málim etken edi.

Forýmǵa Memleket basshysy Qasym-Jomart Toqaev qatysyp jatyr.