Jeńis Qasymbek Arys qalasyna keldi

ARYS. QazAqparat - Búgin QR Premer-mınıstriniń orynbasary Jeńis Qasymbek jumys saparymen Arys qalasyna keldi, dep habarlaıdy QazAqparat Túrkistan oblysy ákiminiń baspasóz qyzmetine silteme jasap.

Aldymen vıtse-premer Atyraý oblysyna qarasty №1 sektordaǵy qurylys-jóndeý jumystarymen tanysty. Ol aýmaqta 482 úı ornalasqan. Zaqymdanǵan 431 úıdiń qazirgi tańda 3-eýi tolyq jóndelgen. Al «BI Group» kompanııasy osy sektordaǵy 88 úıdi qalpyna keltirý jumystaryn qolǵa alyp otyr. Jumysshy top keıin Nur-Sultan qalasyna qarasty №9 sektorǵa aıaldady. Onda 655 úı bar. Aýmaqta jóndelýge tıis 572 baspananyń 105-inde qurylys tolyǵymen aıaqtalǵan.

Sonymen qatar, Úkimet basshysynyń orynbasary 1904 jyly irgetasy qalanǵan «Arys-1» temirjol vokzalyna da aıaldady. Mundaǵy tirlik «Samruk-Kazyna Construction» AQ tıesili. Basqarma tóraǵasynyń birinshi orynbasary Arman Jetpisbaev mindettelgen sharýa tolyǵymen ýaqytyly atqarylyp jatqanyn málimdedi.

Keıin top Shymkent qalasyna qarasty 10-sektorda boldy. Onda esep boıynsha 652 úı tirkelgen. Jóndeýdi qajet etetin 604 úıdiń 138-inde búginde jumys tolyq aıaqtalǵan.

Budan keıin jumysshy top qalalyq emhana men ortalyq stadıondaǵy jóndeý jumystaryna kóńil aýdardy. Іssapar aıasynda Nur-Sultan, Aqmola, Qostanaı qalalaryna tapsyrylǵan sektorlardaǵy jumystar nazarǵa alyndy.

Arys qalasynyń búgingi jaı-kúıimen tanysqan Jeńis Qasymbek sapar sońynda shahardy qalpyna keltirý boıynsha qurylys-jóndeý jumystarynyń qarqynyn údetýdi tapsyrdy.