Jeńis Qasymbek «ArselorMıttal Temirtaýdaǵy» óndiris qaýipsizdigine pikir bildirdi

NUR-SULTAN. QazAqparat – «ArselorMıttal Temirtaý» Qaraǵandy oblysynyń 4 qalasynyń turǵyndaryn jumyspen qamtyp otyr. Barlyǵy 8 shahta jumys isteıdi. Bul týraly Qaraǵandy oblysynyń ákimi Jeńis Qasymbek málim etti, dep habarlaıdy QazAqparat tilshisi.

««ArselorMıttal Temirtaý» kompanııasy 60 jyl buryn qurylǵan. Onyń aktıvteri joǵary. ıAǵnı keshe, búgin qurylǵan kompanııa emes. Osy oraıda óńir basshysy retinde atalǵan mekeme basshylyǵymen óndiristik qaýipsizdik máselesine asa mán berý týraly kelisip jatyrmyn. Eger 2019 jyly kompanııa qaýipsizdik sharasyna 70-80 mlrd teńge ınvestıtsııa baǵyttasa, bıylǵy jospar boıynsha ol 190 mlrd teńgeni qurap otyr. Bul qarjy nysandardaǵy óndiris qaýipsizdigin qamtamasyz etýge baǵyttalady. Atalǵan shara óndiris ornynda osyǵan deıin bolǵan qaıǵyly jaıttardy eskere otyryp qabyldanyp otyr», - dedi Jeńis Qasymbek Ortalyq kommýnıkatsııalar qyzmeti alańynda ótken baspasóz máslıhatynda.

Sondaı-aq oblys basshysy óndiris qaýipsizdigine qatysty jaýapkershiliktiń baryn moıyndap otyr.

«Bul óńirdi 3 jyl basqaryp kelemin. Men kelgeli «ArselorMıttal Temirtaý» kompanııasynda qaýipsizdikti qamtýǵa bólinetin ınvestıtsııa artyp otyr. Iá, mekeme nysandaryndaǵy tehnologııaǵa qatysty suraqtar bar. Degenmen óndiristi toqtatyp tastaý ońaı sharýa emes. Bul mekeme Temirtaý, Shahtınsk, Saran jáne Abaı qalasynyń turǵyndaryn jumyspen qamtyp otyr. Barlyǵy 8 shahta jumys istep tur», - deıdi ol.

Buǵan deıin habarlaǵanymyzdaı sońǵy 15 jylda «ArselorMıttal Temirtaý» zaýyttarynda 100-den astam jumysshy qaza tapqan.

Bıylǵy 20 maýsymda «ArselorMıtall Temirtaý» AQ-nyń eki basshysy tórt jumysshynyń qaza bolýyna baılanysty qamaýǵa alyndy.