Jeńis Qasymbek 72 kásiporynnyń 50 paıyzy jyl sońyna deıin iske qosylaryna senimdi
ASTANA. QazAqparat - Indýstrııalandyrý kartasy aıasynda qosylǵan 72 kásiporynnyń tek 19-y ǵana turaqty jumys isteýde. Bul týraly búgin halyqpen eseptik kezdesýin ótkizgen QR Investıtsııalar jáne damý mınıstri Jeńis Qasymbek málim etti, dep habarlaıdy QazAqparat.
«Shynymen de 4 aqpan kúni ótken Úkimettiń keńeıtilgen otyrysynda Memleket basshysy bul problemany atap kórsetken bolatyn. Búgingi kúngi naqty sandy aıtar bolsam, sol ýaqytta Indýstrııalandyrý kartasy aıasynda iske qosylǵan 72 kásiporyn toqtap turǵan bolatyn», - dep atap ótti mınıstr atalǵan máselege baılanysty suraqqa jaýap bere kele.
Onyń sózine qaraǵanda, bul kásiporyndardyń toqtap turýyna teńge baǵamynyń qubylýy, álemdik naryqtaǵy konıýktýranyń ózgerýi syndy jaıttar sebep bolǵan.
«Búgingi kúni atalǵan 72 kásiporynnyń 19-y turaqty jumys istep tur. ıAǵnı júktemesi 50 paıyzdan asady. 6-7 kásiporyndy iske qosa almaýymyz múmkin ekendigin de baıqap otyrmyz. Qalǵan kásiporyndar 20-30 paıyzdyq júktememen tur. Degenmen keleshegi bar jáne Prezıdent bul kásiporyndardyń keminde 50 paıyzyn jyldyń sońyna deıin jandandyrýdy tapsyrdy. Biz bul tapsyrmany oryndaı alamyz», - dedi Qasymbek.
Onyń aıtýynsha, qazirgi ýaqytta mınıstrlik ákimdermen jáne kásiporyndardyń qojaıyndarymen úshjaqty kelisimge qol qoıyp, olardyń turaqty jumys isteýin qamtamasyz etýge baǵyttalǵan qoldaý sharalaryn kórsetýde.
«Osy jyldyń sońyna deıin bul kásiporyndardyń 50 paıyzdan astamy turaqty jumys isteı bastaıdy dep oılaımyn», - dedi mınıstr.
