«Jeńis - barlyǵymyzǵa bireý!» medıaekspedıtsııasy Kókshetaýda boldy
KÓKShETAÝ. QazAqparat - Reseılik «Jeńis - barlyǵymyzǵa bireý!» medıaekspedıtsııasy Kókshetaýda boldy, dep habarlaıdy QazAqparat tilshisi.
Eske sala keteıik, 17 sáýir kúni Reseıdiń Nıjnevartovsk qalasynan «Jeńis - barlyǵymyzǵa bireý!» medıaekspedıtsııasy bastaý alǵan bolatyn. Osymen 7-shi ret uıymdastyrylyp otyrǵan ekspedıtsııada Reseıdiń okrýgtik jastar parlamentiniń músheleri bes "GAZ-20" jáne "Pobeda" kólikterinen qurylǵan kortejben reseıdiń birneshe qalalaryn aralap, sáýirdiń 20-y kúni Petropavlda boldy. Búgin Kókshetaýǵa at basyn buryp, soǵys ardagerleri jáne tyl eńbekkerlerimen kezdesti. Sondaı-aq, máńgilik alaýǵa gúl shoqtaryn qoıdy.
Atalmysh sharany uıymdastyrýshy Nıkolaı Zaboltnevtiń aıtýynsha, ekspedıtsııa mamyrdyń 9-na deıin úsh apta boıy Reseı, Qazaqstan, Qyrǵyzstan jáne Ózbekstan elderiniń birqatar qalalarynda bolyp qaıtpaq.
«TMD elderinde soǵys qatysqan kóptegen ardagerler turady. Búgingi sharanyń maqsaty - sol soǵys ardagerleri týraly maǵlumattar jınaý», deıdi Nıkolaı Zaboltnev.
Aıta ketý kerek, atalmysh sharaǵa Kókshetaýdaǵy jergilikti bıznes qurylymdardyń ókilderi de qol ushyn sozdy. Sonyń biri,aǵashtan áshekeılenip oıylǵan jıhazdar men qazaq halqynyń ulttyq naqyshtaǵy turmystyq jáne jádigerlik buıymdaryn jasaýmen aınalysatyn «Blek» JShS ókilderi halyqaralyq avtosherýdi uıymdastyrýshylarǵa alǵysyn bildirip, estelik syılyq tapsyrdy.
«Biz úshin bul aıtýly oqıǵa. Bizderdiń jerlesterimiz, atalarymyz, ájelerimiz maıdan úshin eńbek etti. Solardyń erlikteri men mańdaı teri, jeńiske degen jigerleriniń arqasynda ortaq jeńiske qol jetkizdik. Búgin solardyń arqasynda ekonomıkasy gúldengen, Táýelsiz elde beıbit ómir súrip jatyrmyz. Sondyqtan, osyndaı oqıǵaǵa baılanysty uıymdastyrylyp otyrǵan sharaǵa azda bolsa óz úlesimizdi qosqymyz keledi», dep atap ótti "BLEK" JShS-nyń atqarýshy dırektory Roman Nıkıtenko.
