Jeńilmegen qazaq boksshysynyń kelesi jekpe-jegi ótetin kún belgili boldy

NUR-SULTAN. QazAqparat - Esh jeńilip kórmegen qazaq kásipqoı boksshysy Musa Tursynǵalıevtiń (9-0, 6 KO) kelesi jekpe-jegi ótetin kún belgili boldy, dep habarlaıdy QazAqparat Sports.kz-ke silteme jasap.

BoxRec.com basylymynyń habarlaýynsha, Tursynǵalıevtiń kelesi aıqasy 12 shilde kúni Gollıvýdtaǵy (Florıda shtaty, AQSh) Seminole Hard Rock Hotel and Casino arenasynda bolady. Qarsylasy ázirge belgisiz. Jartylaı jeńil salmaq sanatynda ótetin kezdesý 8 raýndqa shaqtalǵan.

Boks keshinde taǵy bir qazaq boksshysy Ivan Dychko (8-0, 8 KO) rıngke kóteriledi, onyń qarsylasy brazılııalyq Rafael Zýmbano (39-16-1, 31 KO) bolmaq.

Eske sala keteıik, Musa sońǵy jekpe-jegin de dál osy arenada ótkizgen bolatyn. 1 naýryz kúni ol amerıkalyq Vınsent Djennıngsti (6-7-2, 4 KO) upaı sanymen jeńgen.