Jeńilisten kóz ashpaıtyn kókshetaýlyq FK basshylyǵy qyzmetinen qýyldy
KÓKShETAÝ. QazAqparat- Aqmola oblysynyń ákimi Málik Myrzalın oblystyq dene shynyqtyrý jáne sport basqarmasynyń basshylyǵy men «Oqjetpes» fýtbol klýbynyń ujymymen kezdesti, dep habarlaıdy QazAqparat tilshisi ákimdiktiń baspasóz qyzmetine silteme jasap.
Kezdesýde óńirde fýtbol sportyn damytý boıynsha atqarylǵan jumystar saralandy. Sondaı-aq, el chempıonatynda týrnır kestesiniń sońynda turǵan «Oqjetpes» komandasynyń mardymsyz oıyny sóz boldy. Qazirgi kezde jankúıerleriniń súıikti komandasyna degen ókpesi qara qazandaı.
Kezdesý barysynda aımaq basshysy komanda dırektory ıÝrııý Bondarenko men jattyqtyrýshysy Vıktorý Pasýlkoǵa qyzmetin bosatý jóninde usynys jasady.
Ákimniń sózinshe, klýb basshylyǵy ózderiniń kásibı jumystaryna salǵyrttyq tanytyp qana qoıǵan joq, komandanyń jeńiske degen jigeri men rýhyn joǵaltyp aldy.
Aımaq basshysy óz orynbasaryna klýbtyń qarjy-sharýashylyq qyzmetine tekseris júrgizip, bıýdjettik qarjylandyrýdy azaıtý jóninde usynys engizýdi tapsyrdy.
