Jeńilip kórmegen orta salmaqtaǵy boksshyny Golovkınniń bapkeri jattyqtyrady
ASTANA. QazAqparat - Pýertorıkalyq boksshy Felıks Verdeho (23-0, 15 KO) WBA (Super), WBC, IBF jáne IBO tujyrymy boıynsha orta salmaqtaǵy álem chempıony Gennadıı Golovkınniń (37-0, 33 KO) bapkeri Abel Sanchespen birge jumys isteıtin bolady, dep habarlaıdy Sports.kz .
Sanches onyń promoýteri Verdeho Bob Arým jáne jattyqtyrýshysy Rıkkı Markespen kelissózder júrgizip, birigip jumys isteý týraly kelisimge keldi.
«Birge jumys isteý arqyly kóptegen bıikterdi baǵyndyra alamyz. Endi jumys josparyn kelisýimiz kerek. Taıaý ýaqytta barlyǵyn egjeı-tegjeı anyqtap alamyz, sodan soń jumys isteýdi bastaımyz. Felıks - daryndy jigit. Álem chempıony tıtýly úshin jekpe-jek ótkizetinimizge kámil senemin», - dep keltiredi Sanchestiń sózin Primera Hora.
Verdehonyń kelesi aıqastaǵy qarsylastarynyń biri - WBO tıtýlynyń ıegeri brıtandyq Terrı Flenagan (33-0, 13 KO) bolady dep kútilýde.
