Jeńilip kórmegen Meıirim Nursultanov WBO chempıony tıtýlyn sátti qorǵady
Bul jaıynda ol Instagram paraqshasynda jazdy.
«Allaǵa shúkir! Belbeýdi qorǵadyq. Jankúıer bolyp qoldaý kórsetkenderinizge kóp rahmet. Alǵa, Qazaqstan» dep jazdy Meıirim Nursultanov.
Qazaq boksshysy Polshanyń Lıýblın qalasynda ótken kásibı boks keshinde argentınalyq Marselo Esteban Koserospen jekpe-jekke shyqqan bolatyn.
Orta salmaqtaǵy aıqas on raýndqa shaqtalǵan, qos úmitker Meıirim Nursultanovqa tıesili WBO International chempıonynyń belbeýin sarapqa saldy.
Ádilqazy bir aýyzdan qazaqstandyq boksshy jeńiske jetti degen qorytyndy jasady.
Osylaısha, Meıirim Nursultanov óziniń kásibı bokstaǵy 17-shi jeńisine qol jetkizdi jáne WBO International ataǵyn ekinshi qaıtara jeńip aldy.
Meıirim ázirge jeńilip kórgen joq. Al onyń qarsylasy argenınalyq Koserov osymen besinshi márte jeńilip otyr.
Eske sala keteıik, jyldyń basynda Meıirim Nursultanov Aqtaýda ótken boks keshinde reseılik Andreı Sırotkındi jeńip, WBO International tıtýlyn ıelengen.
Kezdesý 10 raýndqa eseptelgen bolatyn. Alaıda reseılik boksshynyń qabaǵy jarylyp, kezdesýdi ári qaraı jalǵastyra almaýyna baılanysty jekpe-jek 5-raýndta aıaqtaldy.
Foto: instagram.com/meiirim.nursultanov
