Jeńilip kórmegen qazaqstandyq kásipqoı boksshynyń jekpe-jek datasy ataldy⠀
NUR-SULTAN. QazAqparat - Profı-rıngte jeńilip kórmegen qazaqstandyq boksshy, WBC Asia, WBO Global jáne WBA International beldikteriniń ıegeri Aıdos Erbosynuly (11-0, 8KO) kelesi jekpe-jegin tamyz aıynda ótkizedi. Bul týraly VKontakte áleýmettik jelisindegi «Qazaqstannyń kásipqoı boksshy» paraqshasynda málim etildi, dep habarlaıdy QazAqparat.
«Boksshynyń ókilderiniń aqparatyna sáıkes, Aıdostyń kelesi aıqasy 14 tamyzǵa josparlanyp otyr. Ótetin orny ázirge belgisiz. Biraq bul Kanada, Aýstrııa nemese Reseı astanasy Máskeý bolýy múmkin», - delingen habarlamada.
Eske salaıyq, A.Erbosynuly bıylǵy 24 naýryzda Almatyda ótken sońǵy jekpe-jegi barysynda tóreshilerdiń biraýyzdy sheshimimen namıbııalyq sportshy Lýkas Ndafolýmýdy (15-1, 6KO) jeńip, WBA International tıtýlyn ıelendi.
