Jeńilip kórmegen qazaqstandyq boksshy WBC, WBA, WBO burynǵy chempıonymen judyryqtasady
NUR-SULTAN. QazAqparat – Qazaqstandyq boksshy Ábilhaıyr Shegalıev (8-0-1, 4 KO) óziniń kelesi jekpe-jegin Máskeýde 16 qyrkúıekte ótkizedi, dep habarlaıdy QazAqparat Sports.kz saıtyna silteme jasap.
Shegalıevtiń qarsylasy osy jyldyń aqpan aıynda qazaqstandyq Meıirim Nursultanovpen (17-0, 10 KO) judyryqtasqan tanymal reseılik boksshy Andreı Sırotkın (20-2-1, 7 KO) bolmaq. Ol aıqasta Nursultanov besinshi raýndta merziminen buryn jeńgen bolatyn.
Óz mansabynda Sırotkın úsh boks uıymynyń ekinshi dárejeli chempıondyq belbeýleriniń, ıaǵnı WBC ABC Continental, WBA Inter-Continental, WBA Asia, WBO European tıtýldaryna ıe boldy. Andreı Sırotkın óziniń sońǵy jekpe-jegin sáýir aıynda ótkizdi. Onda ol Belarýs sportshysy Vıktor Mýrashkındi (4-3, 3 KO) tóreshilerdiń biraýyzdan sheshimimen jeńdi.
Ábilhaıyr Shegalıevke keletin bolsaq, qazaqstandyq sportshy aqpan aıynda reseılik Manýk Dılanıanmen (12-9-2, 5 KO) jekpe-jek ótkizdi. Aıqas teń nátıjemen aıaqtaldy.
Foto: sports.kz
