Jeńilip kórmegen qazaqstandyq boksshy óz mansabyndaǵy eń úlken aıqasyn ótkizedi
NUR-SULTAN. QazAqparat – 21 tamyzda sýperaýyr salmaqtaǵy qazaqstandyq boksshy Jan Kosobýtskıı (15-0, 14 KO) kásipqoı rıngte kezekti jekpe-jegin ótkizedi, dep habarlaıdy QazAqparat Sports.kz saıtyna silteme jasap.
Germanııanyń Gambýrg qalasyndaǵy Universum Gym zalynda Jan WBA International tıtýlyn qorǵaý maqsatynda amerıkandyq boksshy Djoýı Daveıkoǵa (21-8-4, 12 KO) qarsy judyryqtasady.
Jekpe-jek 12 raýndqa eseptelgen. Bedeldi BoxRec.com saıty Kosobtskııdiń aldaǵy aıqasyn úsh juldyzǵa baǵalaǵan – bul onyń mansabyndaǵy eń joǵary kórsetkish. Al buǵan deıin ol kóp bolǵanda ekijuldyzdy kezdesýler ótkizetin.
BoxRec.com-daǵy jekpe-jekter reıtıngi boks keshiniń statýsyna, oppozıtsııa deńgeıine, sondaı-aq oınatylatyn tıtýldar bedeline negizdeledi.
