Jeńilip kórmegen qazaqstandyq boksshy kásibı rıngte jetinshi ret qarsylasyn tize búktirdi

ASTANA. QazAqparat - 21 jastaǵy qazaqstandyq boksshy Stanıslav Kalıtskıı (6-0, 3 KO) kásibı rıngtegi kezekti aıqasyn ótkizdi, dep habarlaıdy Sports.kz.

Búgin ol Ekaterınbýrgte (Reseı) ekinshi jartylaı jeńil salmaqta fılıppındik Venson Deloperemen (6-3-4, 2 KO) alty raýndtyq jekpe-jek ótkizdi.

Osylaısha, Stanıslav kásibı mansabyndaǵy jetinshi jeńisine qol jetkizse, qarsylasy tórtinshi ret súrindi. Kalıtskıı 2017 jyly qyrkúıekte kásibı rıngte debıýt jasap, sol jyly úsh ret nokaýtpen jeńgen edi. Biraq, 2018 jyly ol úsh ret tóreshilerdiń biraýyzdan qabaldaǵan sheshimimen jeńimpaz atandy.