Jeńilip kórmegen qazaqstandyq boksshy IBF reıtınginen shyǵyp qaldy
Reıtıngtegi elimizdiń jalǵyz ókili Qanat Islam (25-0, 20KO) bolyp qala beredi. Ol birinshi orta salmaq dárejesi tiziminde segizinshi oryndy saqtap qaldy. Buǵan deıin segizinshi orynda kele jatqan jartylaı orta salmaq dárejesindegi Janqosh Turarov (22-0, 15 KO) TOP-15-ten shyǵyp qaldy. Mansabyn aıaqtaǵan Janat Jaqııanov (27-2, 18 KO) ta asa jeńil dıvızıon reıtınginiń tiziminde budan bylaı bolmaıdy.
Islam men Turarov qazirgi tańdaǵy sońǵy jekpe-jekterin ótken jyly 9 qyrkúıekte ótkizgen bolatyn. Qanat keshtiń mańyzdy kezdesýinde tehnıkalyq nokaýtpen kanadalyq Brendon Kýkty (20-1, 13 KO) jeńse, Janqosh tóreshilerdiń biraýyzdan qabyldaǵan sheshiminiń nátıjesi boıynsha argentıkalyq Brýno Leonardo Romaıdan (21-5, 18 KO) basym tústi.
Al Jaqııanovtyń mansabyndaǵy sońǵy jekpe-jegi 21 qazan kúni Belfasta (Soltústik Irlandııa) ótti. Ol kezde qazaqstandyq tóreshilerdiń sheshimimen jergilikti boksshy Raıan Barnetten (19-0, 9 KO) jeńilip, WBA nusqasy boıynsha álem chempıony tıtýlynan aıyrylǵan edi.