Jeńilip kórmegen qazaqstandyq boksshy bir jyldyq úzilisten keıin qaıtadan rıngke shyǵady

NUR-SULTAN. QazAqparat – Jartylaı orta salmaqtaǵy jeńilip kórmegen qazaqstandyq boksshy Shyńǵyshan Tájibaıdyń (8-0, 2 KO) kásipqoı rıngke qashan shyǵatyny belgili boldy, dep habarlaıdy Sports.kz.

BoxRec.com málimetinshe, Shyńǵyshannyń kelesi jekpe-jegi 14 qyrkúıek kúni AQSh, Vırdjınııa shtatynyń Sterlıng qalasyndaǵy Dulles Sportsplex arenasynda ótedi. Onyń qarsylasy kim ekeni áli belgisiz.

Aıta keteıik, Shyńǵyshan Tájibaı 2018 jyldyń kúzinen beri rıngke shyqqan joq. Ol sońǵy ret 2018 jyldyń 27 qazanynda Amerıkanyń Merılend shtatyndaǵy Fort Vashıngton qalasynda jergilikti boksshy Hýan Rodrıgesti (8-15-1, 6 KO) jeńgen bolatyn.