Jeńilip kórmegen qazaqstandyq boksshy álemdi tańǵaldyrýǵa taǵy ýáde berdi

NUR-SULTAN. QazAqparat – Jeńilip kórmegen qazaqstandyq boksshy Musa Tursynǵalıev (10-0, 6 KO) aldaǵy jospary týraly jankúıerleriniń esine saldy, dep habarlaıdy QazAqparat Sports.kz saıtyna silteme jasap.

«Men jaqynda bul álemdi tańǵaldyratynymdy bilemin, 2020», - dep jazdy ol Instagram-ǵa bapkerimen jattyǵý barysynan vıdeo jarııalap.

Aıta keteıik, bul Musanyń osy úlgidegi alǵashqy jazbasy emes – ol burynǵy jekpe-jekteriniń birinen keıin mynadaı málimdeme jasaǵan edi: «Men taıaýda álem chempıony bolamyn. Qazaq jaýyngeri búkil álemdi tańǵaldyratyn bolady».

Tursynǵalıev 13 naýryz kúni Maıamıde rıngke shyǵýy tıis edi. Oǵan qarsylas retinde argentınalyq Esekel Teves (13-5, 4 KO) belgilendi. Alaıda, boks keshi koronavırýs pandemııasyna baılanysty keıinge shegerildi.