Jeńilip kórmegen «Qazaq jaýyngeri» WBC tıtýly úshin kezdesý ótkizedi

ASTANA. QazAqparat – Jeńilip kórmegen jeńil salmaqtaǵy «Qazaq jaýyngeri» laqap atymen belgili Elshat Nyǵmetollanyń (17-0-1, 5 KO) kimmen, qashan jáne qaıda aıqasaty belgili boldy, dep habarlaıdy QazAqparat Sports.kz silteme jasap.

BoxRec.com portalynyń jazýynsha, Nyǵmetolla rıngke 16 jeltoqsanda Qazaqstan astanasyndaǵy «Barys Arenada» shyǵady. 28 jastaǵy qazaqstandyq sportshy fılıppındik boksshy «ıAgýar» laqap atymen tanymal Elts Rozıamen (17-9-1, 9 KO) judyryqtasady. On raýndtyq jekpe-jekte jeńil salmaqtaǵy WBC International Silver belbeýi báske tigiledi.

Bıyl Nyǵmetolla eki jyldan astam ýaqyttan keıin rıngke oraldy — ol jekpe-jekti 12 naýryzda Dýbaıda (BAÁ) boks keshinde ótkizip, fılıppındik Djastın Darapty (10-2, 6 KO) tóreshilerdiń biraýyz sheshimimen jeńdi.

Foto: sports.kz