Jeńilip kórmegen brıtandyq Golovkın - Sonders aıqasynyń jeńimpazymen kezdeskisi keledi
ASTANA. QazAqparat - Brıtandyq boksshy Tommı Lengford (18-0, 6 KO) Gennadıı Golovkın (37-0, 33 KO) - Bıllı Djo Sonders (24-0, 12 KO) aıqasynyń jeńimpazymen qolǵap túıistirgisi keledi, dep habarlaıdy Sports.kz.
Qazirgi ýaqytta Lengford - WBO boıynsha ýaqytsha álem chempıony ataǵyna úmitker. Eger ol 22 sáýr kúni grýzııalyq Avtandıl Hýrtsıdzeden (32-2-2, 21 KO) basym tússe, uıymnyń ýaqytsha chempıony atanady.
WBO qazirgi chempıony Sonders, al Golovkınge orta salmaq ataqtaryn jınaý úshin dál osy belbeý jetpeı tur.
"Men Sonders úshin mindetti úmitker bola alamyn. Bıllı Djo Golovkınmen teke-tiresedi degen úmittemin. Men de ýaqytsha chempıon ataǵy úshin jekpe-jegimdi sátti ótkizýge tyrysamyn. Golovkın - Sonders aıqasynyń jeńimpazy menimen kezdesetin bolady! Men Bıllıdiń tas-talqanyn shyǵaramyn!" - dedi Lengford.
