Jeńilip kórmegen brıtandyq boksshy Jaqııanovpen birge jattyǵyp jatyr
ASTANA. QazAqparat - Brıtandyq boksshy Mark Heffron (17-0, 13 KO) WBA (Super) nusqasy boıynsha jeńil salmaqtaǵy chempıon, qazaqstandyq Janat Jaqııanovpen (27-1, 18 KO) jattyǵý barysynda túsken fotosýretterimen bólisti, dep habarlaıdy Sports.kz.
Eki boksshy da jattyqtyrýshy Rıkkı Hattonnyń jetekshiligimen Manchesterge taıaý ornalasqan zalda jattyǵyp jatyr.
«Búgin tańerteń aýyr jattyǵý kezeńi boldy. Aıqasqa daıyndalyp jatyrmyz. Janat Jaqııanovpen kezdeskenime qýanyshtymyn», - dep jazdy Heffron tvıtterdegi paraqshasynda.
21 qazan kúni Belfasta (Soltústik Irlandııa) Jaqııanov jergilikti boksshy, IBF tıtýlynyń ıegeri Raıan Barnettpen (17-0, 9 KO) aıqas ótkizedi.
