Jeńilip kórmegen boksshy Jánibek Álimhanulyn jekpe-jekke shaqyrdy

ASTANA. QazAqparat – Brıtan boksshysy Felıks Kesh (16-0, 10 KO) WBO nusqasy boıynsha orta salmaqtaǵy qazirgi álem chempıony Jánibek Álimhanulyna (14-0, 9 KO) qarsy rıngke shyǵýǵa daıyn ekenin eske saldy, dep habarlaıdy QazAqparat Sports.kz portalyna silteme jasap.

Taıaýda Keshtiń promoýteri Eddı Hırn qolynda Álimhanulynyń ókilderinen aıqasqa shyǵý týraly usynys kelip túskenin málimdedi.

Osydan keıin Felıks áleýmettik jelilerde Hırn, Top Rank pen «Qazaq stıline» úndeý joldap, aıqasqa shaqyrdy.

Eshqandaı jaýap ala almaǵan Kesh Jánibekke kezekti saýalyn joldady: «Top Rank, Qazaq Style aıqasqylaryń kele me, álde...?», - dep jazdy ol Twitter-de.

Felıks Kesh óziniń sońǵy jekpe-jegin byltyr jeltoqsanda Anglııanyń Lıds qalasynda ótkizip, portýgalııalyq Kelso Neveshten (9-4-2, 2 KO) upaı sany boıynsha basym túsken edi.

Al Jánibek Álimhanuly mamyrda Stoktonda (AQSh, Kalıfornııa shtaty) rıngke shyǵyp, kanadalyq boksshy Stıven Batlerdi (32-4-1, 26 KO) ekinshi raýndta tehnıkalyq nokaýtpen jeńgen bolatyn.