Jeńilip kórmegen 3 qazaqstandyq boksshy Reseıde tıtýldyq jekpe-jek ótkizedi

⠀NUR-SULTAN. QazAqparat – 27 qyrkúıek kúni Reseıdiń Qazan qalasynda «All Champions Kazan 2020» kásipqoı boks keshi ótedi. Onda Qazaqstannyń úsh sportshysy óner kórsetedi, dep habarlaıdy QazAqparat.

VKontakte áleýmettik jelisindegi «Qazaqstannyń kásipqoı boksy» paraqshasynda málim etilgendeı, úsh boksshymyz tıtýldyq jekpe-jekterin ótkizedi.

Al AllChampions.ru saıtyndaǵy aqparatqa súıensek, týrnırdiń basty aıqasynda 28 jastaǵy otandasymyz Bobyrjan Momynov (11-0, 8KO) reseılik Vagınak Tamrazıanmen (17-7, 5KO) jartylaı orta salmaqtaǵy (66,7 kg) IBF Intercontinental beldigin sarapqa salady.

Áýesqoı boksta Qazaqstannyń úsh dúrkin chempıony bolǵan 29 jastaǵy Arman Rysbek (7-0, 6KO) Reseıdiń ózge sportshysy Artem Brýsovpen (9-0, 8KO) kezdesedi. Ekinshi orta salmaqtaǵy (76 kg) jekpe-jek IBF Europe tıtýly úshin ótedi.

18 jastaǵy Dastan Sádýuly (3-0, 3KO) jeńil salmaqtaǵy (61 kg) WBC Asia chempıony ataǵy úshin kúresedi. Onyń qarsylasy – reseılik Vıldan Mınasov.

⠀