Jeńildikti dızel otynyn alýdaǵy sybaılas jemqorlyq joldary joıyldy - AShM
Bıyl Energetıka mınıstrligi MÓZ-den dızel otynynyń bosatý baǵasyn tonnasyna 284 myń teńge deńgeıinde bekitti. Jetkizý jónindegi operatorlardyń shyǵyndaryn eskere otyryp, fermerler úshin ortasha baǵa lıtrine 269 teńgeni quraıdy, bul naryqtyq qunnan 9% tómen.
Qazirgi ýaqytta jeńildikti dızel otynyn jetkizý jónindegi óńirlik operatorlar MÓZ-den shildedegi JJM kólemin tóleý jáne jóneltý boıynsha rásimderdi júrgizip jatyr.
Esterińizge sala keteıik, AShM tıisti erejeler ázirledi, oǵan sáıkes sharýalar úshin kvota kólemin qalyptastyrý jáne dızel otynyn ótkizý SBMAJ modýli negizinde elektrondyq nysanda júzege asyrylady. Jetkizý jónindegi operatorlardy komıssııa ákimdikter, prokýratýra jáne sybaılas jemqorlyqqa qarsy is-qımyl organdar, qoǵamdyq uıymdar, «Atameken» ulttyq palatasynyń, sondaı-aq salalyq qaýymdastyqtardyń ókilderi qatarynan aıqyndaıdy.
Sonymen qatar, elimizdiń keıbir óńirlerinde dızel otynyn jetkizý jónindegi operatorlar áli anyqtalǵan joq. Mysaly, Atyraý jáne Mańǵystaý oblystarynda jetkizýshi tamyz aıynda anyqtalady, sebebi jóneltý osy aıǵa josparlanǵan. Ulytaý oblysynda JJM baǵasynyń joǵary bolýyna jáne operatordyń joǵary ústemeaqy alý múmkindiginiń bolmaýyna baılanysty operatorlarǵa ótinimder joq.
Jańa erejelerdi qabyldaýmen operatorlardyń arzandatylǵan dızel otynyn maqsatsyz paıdalaný qaýpi alynyp tastalǵanyn atap ótý mańyzdy. Janarmaı jetkizýshi janarmaıdyń tıelmegen kólemi bolǵan jaǵdaıda ony jem daıyndaý, keptirý jáne t. b. sııaqty basqa aýyl sharýashylyǵy qajettilikterine jiberýge mindetti.
Osylaısha, AShM qaǵıdalardy qabyldaýdyń arqasynda arzandatylǵan dızel otynyn qalyptastyrý jáne kóktemgi egis jáne egin jınaý jumystaryna jóneltý rásimderiniń ashyqtyǵyn qamtamasyz etip, sybaılas jemqorlyq shemalaryn tolyǵymen alyp tastady.
Sondaı-aq, joǵaryda atalǵan erejelerdi qabyldaý jónindegi is-sharalar AMANAT partııasynyń saılaýaldy tuǵyrnamasynda, sondaı-aq AShM-nyń sybaılas jemqorlyq táýekelderin boldyrmaý jónindegi is-sharalar josparynda kózdelgenin atap ótken jón.
Budan basqa, erejeler UKP alańdarynda, AShM-nyń qoǵamdyq keńesinde, Ashyq NQA platformasynda talqylandy, sondaı-aq sybaılas jemqorlyqqa qarsy saraptamadan ótti.