Jeńildikti avtonesıe baǵdarlamasy aıasynda 6,5 myńnan astam ótinim maquldandy

ASTANA. QazAqparat - «Qazaqstannyń Damý Banki» (QDB, Bank) 2016 jyldyń 12 mamyrdaǵy jaǵdaı boıynsha agent kommertsııalyq bankterge Jeńildikti avtonesıe berý baǵdarlamasynyń sheńberinde jeke tulǵalardan nesıe alýǵa túsken 6 630 ótinimdi shamasymen 22 mlrd 988,7 mln teńgege maquldady.

Olardyń ishinen ekinshi deńgeıdegi 6 bank otandyq kólik óndirýshilerdiń avtokólikterin satyp alýǵa jalpy somasy 20 489,6 mln teńgege 6 006 nesıe berdi.

Atap aıtqanda, QDB aǵymdaǵy jyldyń 20 sáýiri kúni iske qosylǵan Jeńildikti avtonesıe berý baǵdarlamasynyń operatory bolyp tabylady. Damý Banki agent banktermen Ulttyq qordan bólingen nesıe qarajatyn ıgerýdiń baqylaýyn únemi júrgizýde. Baǵdarlama aıasynda Ulttyq qordan jeke tulǵalarǵa Qazaqstanda qurastyrylatyn avtokólikterdi satyp alýǵa nesıe berý úshin barlyǵy 26 mlrd teńge bólindi.

Jeke tulǵalarǵa jergilikti óndirilgen jeńil avtokólik satyp alýǵa QR Úkimetimen bekitilgen nesıe berý sharttary: ataýly syıaqy mólsherlemesi - eń kóbi jyldyq 4%, alaıda jyldyq tıimdi mólsherleme (onyń ishine saqtandyrý jáne avtokólikti kepilge salý shyǵyndary kiredi) 7,5%-dan aspaý kerek. Nesıe merzimi - eń kóbi 5 jyl, qaryz valıýtasy - teńge, jeńil kóliktiń bireýiniń baǵasy - eń kóbi 9 000 000 teńge, bastapqy jarna (bar bolsa) - satyp alynatyn kóliktiń baǵasynan 20%. Jeńildikti avtonesıe berý baǵdarlamasy boıynsha qarjylandyrýdyń jańartpaly sıpaty bar. ıAǵnı, aǵymdaǵy nesıelerdi óteýden túsken tólemder qaıtadan atonesıe berýge jumsalady.