Jeńildikter jaıly anyqtamany endi egov.kz portalynan alýǵa bolady

ASTANA. 30 shilde. QazAqparat - Jeńildikter jaıly anyqtamany jaýynger-ınternatsıonalıstter, Chernobyl AES apatynyń zardaptaryn joıýshylar jáne UOS ardagerlerinde endi elektrondyq úkimettiń eGov.kz portalynan alý múmkindigi bar.

Qyzmet qazirgi ýaqytta qanatqaqty rejim túrinde Astana qalasynyń turǵyndaryna qoljetimdi.

«UAT» AQ baspasóz qyzmetiniń málimetinshe, osy anyqtamany alý úshin portaldy qoldanýshyǵa tek qana ótinish bildirýshi nemese onyń týysynyń jeke sáıkestendirý nómiri kerek.

Qorǵanys mınıstrliginiń derekqorynda málimetter bar bolǵan jaǵdaıda, saýal jiberilgennen 5 mınýttan keıin, jeńildikter jaıly anyqtama elektrondyq túrde paıdalanýshynyń jeke kabınetine túsedi. Eger elektrondyq qorda málimetter bolmaǵan jaǵdaıda, azamat jergilikti qorǵanys ister basqarmasyna barýy qajet.

Aıta ketsek, jergilikti ýákiletti organda anyqtamany alý qyzmetiniń merzimi bes kúnge deıin sozylady.

Qyzmet «Áleýmettik qamsyzdandyrý» aıdarynyń, «Jumyssyzdarǵa, aýyl turǵyndary jáne aýyr eńbek jaǵdaıynda jumys isteıtinderge kómek» bóliminde ornalasqan.

Tolyǵyraq aqparatty http://8b.kz/EIfj siltemesi arqyly, sonymen qatar, táýlik boıy jumys atqaratyn Biryńǵaı baılanys ortalyǵynan 1414 nómiri arqyly bilýge bolady. Uıaly nemese qala telefondary arqyly qońyraý shalý Qazaqstan boıynsha tegin.