Jeńildikpen úı almaqshy bolǵan semeılik jarty mln teńgesinen aıyryldy

SEMEI. QazAqparat – Semeı qalasynyń turǵyny jeńildikpen úı alamyn dep 500 myń teńgesinen aıyryldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, alaıaqqa aldanyp qalǵan 31 jastaǵy semeılik polıtsııaǵa habarlasqan. Óz sózinde ol shahardaǵy azyq-túlik dúkenderiniń birinde belgisiz bireýdiń áńgimege tartyp, jyljymaıtyn múlikti jeńildetilgen baǵada satatyndyǵyn aıtqanyn jetkizdi.

Áıel adamǵa senip qalǵan jábirlenýshi 500 000 teńge aqshasyn bere salǵan. Alaıda araǵa biraz ýaqyt salyp alaıaqtyń tuzaǵyna túskenin túsindi.

«Jedel-izdestirý sharalaryn júrgizgen krımınaldyq polıtsııa qyzmetkerleri Semeı qalasynyń 44 jastaǵy turǵynyn qolǵa túsirdi. Atalǵan fakti boıynsha QR QK-niń 190-baby 1-bóligine sáıkes sotqa deıingi tergeý amaldary júrgizilýde», - dep habarlady vedomstvo ókilderi.