Jeńildikpen dızel kvotasyn alýshylardyń tizimi jasalady

ASTANA. QazAqparat – Energetıka mınıstri Bolat Aqsholaqov aýyl sharýashylyǵy salasyn bıylǵy egin maýsymynda dızel otynymen qamtamasyz etý sharalary týraly aıtyp berdi, dep habarlaıdy QazAqparat tilshisi.

«Sýbsıdııalaýdyń memlekettik aqparattyq júıesinde jeńildikpen dızel kvotasyn alýshylardyń tizimin (derekqor) jasaý kózdelip otyr. Aýyl sharýashylyǵy daqyldary boıynsha egistik alqabynyń ár gektaryna jumsalatyn dızel otynynyń algorıtmi ázirlenedi. Aýyl sharýashylyǵy mınıstrliginiń aqparaty boıynsha, memlekettik aqparattyq júıesinde dızel otynyn elektrondy bólý jáne taratý fýnktsııasyn iske qosý bıyl birinshi jartyjyldyqqa josparlanyp otyr», - dedi Bolat Aqsholaqov Úkimet otyrysynda.

Aıta ketsek, Úkimet basshysy jeńildikpen beriletin dızel otynyn bólýdi erekshe baqylaýda ustaý kerektigin aıtqan edi.

«Aýyl sharýashylyǵy mınıstrligi múddeli memlekettik organdarmen jáne óńir ákimdikterimen birlesip, kóktemgi egiske daıyndyq jumysyn kúsheıtýi qajet. Jeńildikpen beriletin dızel otynyn bólý de erekshe baqylaýda bolýy tıis. Alyp-satý jáne qoldan jasalatyn tapshylyqqa jol bermeý kerek. Bólingen dızeldi basqa jaqqa jasyryn satatyn operatorlarǵa barynsha qatań shara qoldaný kerek», - degen edi Álıhan Smaıylov Úkimet otyrysynda.

Foto: autospecialist.gr